ភ្នំពេញ៖ បុរសពីរនាក់ដែលជិះត្រុកៗតាមឡាន Roll Royce Cullinan មួយគ្រឿងដែលគេថាជាអង្គរក្សកំពុងទាក់ទាញការជេរប្រទេចដាក់បណ្ដាសារពីអ្នកប្រើប្រាស់បណ្ដាញសង្គមក្រោយហ្វេសបុកផេកមួយបានសរសេរបង្ហោះថាបានធាក់ម៉ូតូអ្នកធ្វើដំណើរតាមផ្លូវដើម្បីជិះឱ្យទាន់ឡានមេ។

យោងតាមការចុះផ្សាយរបស់ហ្វេសបុកផេក គាំទ្រគណបក្សប្រជាជនដើម្បីប្រជាជន នៅព្រឹកនេះបានចុះផ្សាយថាអ្នកទាំងពីរនេះគឺជាអង្គរក្សដែលជិះម៉ូតូតាមឡាន Roll Royce Cullinan ជាមួយអង្គរក្សដែលជិះម៉ូតូ ១ទៀតបានបានជិះវ៉ាជែងបុរសម្នាក់ជិះម៉ូតូតាមផ្លូវតែមិនបានសម្រេចក៏លើកជើងធាក់ម៉ូតូអ្នកដំណើរឱ្យដួលហើយរួចចុះម៉ូតូរកវ៉ៃថែមទៀត។

ហ្វេសបុកនោះបានសរសេរថា៖ «ឡានម៉ាក Roll Royce ពណ៌ខ្មៅ ដែលមានអង្គក្ស ចរឹកដូចជាជនពាល ពួកបាតផ្សារ»។

ក្រោយបង្ហោះបែបនេះក៏ត្រូវបានអ្នកប្រើប្រាស់បណ្ដាញសង្គមបានចែករំលែកតគ្នាជាច្រើនរួមទាំងបញ្ចេញមតិយោបល់រិះគន់ជាច្រើនផងដែរ។

ទោះជាយ៉ាងណារហូតមកដល់ពេលនេះមិនទាន់មានភាគីអង្គរក្សឡាន Roll Royce Cullinan ចេញមកបកស្រាយនៅឡើយទេ។ សង្ឃឹមថាគាត់ញាំបាយឆ្ងាញ់ចុះ៕